Wednesday, 21 November 2012

ഒരു പ്രണയ ഗാനം



വരിയിട്ടു  വിരിയുന്നു പവിഴമല്ലി
നുരയിട്ട്‌ ചിതറുന്നു ഹൃദയ  രാഗം
തളിര്‍മൂടും ചില്ലയില്‍
കുളിര്‍ തേടും പക്ഷിക്ക്
പകല്‍വെളിച്ചത്തില്‍ നിലാക്കുളിര്
                             (വരിയിട്ടു  വിരിയുന്നു

ചന്ദനപ്പാലില്‍  കുളി കഴിഞ്ഞെത്തുന്ന
തെന്നലിന്‍ നാവിലും നിന്‍ മൊഴികള്‍
ദുഃഖത്തുലാഭാര രാവഴിഞ്ഞു ,യിനി
ആഹ്ലാദ മേഘ ലീലാവിരുന്ന്‍
                                (വരിയിട്ടു  വിരിയുന്നു

ശിശിര മുള്‍മുന തന്ന മുറിവുകള്‍ മായുവാന്‍
തഴുകും   നിന്‍ വിരലിനും ഇളം തണുപ്പ്
മഴവില്‍ നിറമുള്ള സ്വപ്നങ്ങള്‍ക്കൊക്കെയും
ശലഭച്ചിറക്  മുളയ്ക്കുന്നു.
  (വരിയിട്ടു  വിരിയുന്നു
                             

No comments:

Post a Comment